जुम्माच ठरला त्या परिवाराचा घातवार… वणी हादरले....

जुम्माच ठरला त्या परिवाराचा घातवार… वणी हादरले....

वणी - घुग्गुस मार्गावर भीषण अपघात :- एका कुटुंबातील चौघांचा अंत...वणी शहरात शोककळा

वणी :- सुरज चाटे 

     वणी शहर शुक्रवार दि. ३१ ऑक्टोबरचा दिवस कधीही विसरणार नाही. एका परिवाराचा चक्क घातवारच ‘जुम्मा’ ठरला आहे. शहराच्या बाहेरील भागात वणी - घुग्गुस मार्गावर झालेल्या भीषण अपघातात रियाजुद्दीन शेख (५५) वसंत गंगा विहार, त्यांच्या तीन मुली आणि पाच वर्षांच्या पुतणीचा गंभीर अपघात होऊन अपघातात तीन मुली ठार झाल्या तर अपघाताचे दृश्य पाहून वडिलांना वृदयविकराचा झटका आला व त्याने सुद्धा जगाचा निरोप घेतला. पुतणी इनाया हिच्यावर नागपुर येथे उपचार सुरू आहे. वणी शहरावर या अपघाताने शोककळा पसरली आहे. 

     Wani city will never forget Friday, October 31. A family has been beset by a horrific 'Jumma'. In a horrific accident on the Wani-Ghuggus road on the outskirts of the city, Riyazuddin Sheikh (55) of Vasant Ganga Vihar, his three daughters and a five-year-old niece met with a serious accident. The three daughters died on the spot. Seeing the scene of the accident, the father suffered a heart attack and also passed away. The niece Inaya is undergoing treatment in Nagpur. The accident has spread grief in Wani city.

     मिळालेल्या माहितीनुसार, रियाजुद्दीन शेख (५५) हे लाल पुलिया भागात गॅरेज चालवत होते. शुक्रवारी सुट्टी असल्याने ते घरीच होते. सकाळी त्यांची मोठी मुलगी मायराने (१८)  कार चालवायला शिकवण्याचा आग्रह धरला. सुरुवातीला त्यांनी नकार दिला, पण अखेर मुलीच्या हट्टापायी त्यांनी परवानगी दिली. दोन्ही लहान बहिणी जोया (१२) आणि अमिबा (११) आणि पुतणी इनाया (५) हिनेही सोबत जाण्याचा हट्ट धरला आणि हाच क्षण रियाज, जोया, अमीबा, मायरा यांच्या आयुष्यातील शेवटचा ठरला.

     सकाळी सुमारे १०.४५ वाजता एम एच 01 ए एच 5700 या स्कोडा कारने ब्राम्हणी रोड कडे जात असताना वणी - घुग्गुस मार्गावर दावत ए इस्लाम शाळे जवळ कारचे नियंत्रण सुटले. कार डिव्हायडर वरून उडत समोरून येणाऱ्या एम एच 40 ए के 0358 या ट्रकला धडकली. अपघात इतका भीषण होता की कारचा ड्रायव्हर साईडचा भाग पूर्णतः चकनाचूर झाला.

    वणी पोलीस व वाहतूक शाखेचे पथक तत्काळ घटनास्थळी दाखल झाले. नागरिकांनीही मोठी गर्दी केली. मायरा, जोया, अमिबा यांचा जागीच मृत्यू आला तर इनाया हिला उपचारासाठी नागपुर ला रेफर करण्यात आले असुन चिमुकली गंभीर अवस्थेत आहे. रियाज शेख हे किरकोळ जखमी होते, परंतु आपल्या डोळ्यासमोर घडलेले हे भीषण दृश्य ते सहन करू शकले नाहीत. उपचारादरम्यान हृदयविकाराच्या झटक्याने त्यांचाही मृत्यू झाला.

   या दुर्घटनेनंतर संपूर्ण वणी शहरात शोककळा पसरली आहे. रुग्णालयात नातेवाईकांचा आक्रोश आणि नागरिकांची गर्दी दिसून आली. दरम्यान, अपघातानंतर ट्रक चालक फरार झाला असून वणी पोलिस घटनेचा अधिक तपास करीत आहे. महिन्याच्या अखेरीस घडलेल्या या भीषण अपघाताने वणी शहर अक्षरशः सुन्न झाले आहे. 

मायरा च्या एका चुकीमुळे संपुर्ण कुटुंबावर दुःखाचा डोंगर...

     रियाज शेख यांची मुलगी मायरा ही गाडी चालवत होती.. गाडी चालवीत असताना अचानक.. ब्रेक च्या जागी एक्सीलेटर वर पाय  ठेवला आणि दुर्दैवी घटना घडली अस बोलल्या जात आहे...

इनाया हिची प्रकृती गंभीर.....

      ईनाया ही या घटनेत गंभीर जखमी झाली होती दरम्यान तिला चंद्रपूर येथे हलविण्यात आले होते. चंद्रपूर येथून तिला नागपुर ला रेफर करण्यात आले असुन तिची प्रकृती चिंताजनक असुन एका हॉस्पिटल मध्ये आय सी यु मध्ये असल्याचे सांगण्यात येत आहे. 

मुलीचा हट्ट बेतला जिव्हारी...

       मुलगी मायरा ही मला गाडी शिकवा अशी जिद्द करीत होती. दरम्यान तिने गाडी शिकण्याची जिद्द केली आणि वडिलांनी तिची जिद्द पूर्ण करण्याकरीता तिला गाडी शिकवायला निघाले मात्र तीच जिद्द कुटुंबाच्या जिव्हारी बेतली आहे.